ILOILO CITY – Mismo ang Chairman sang Committee on Peace and Order kag Police Matters sa Sanguniang Panlungsod nga si Iloilo City Councilor Jojo Javellana ang nagakabalaka kasunod sang ginapahayag abduction nga ginsundan sang buy bust operation sang damlag lang.
Sa interview sang Bombo Radyo kay Javellana, iya ginpahayag nga personal siya nga nagpakig-angot kay Iloilo City Police Office Director Police Col. Eric Dampal tuhoy sa natabo nga insidente.
Suno kay Javellana, kinahanglan nga masolbar gilayon ang nasambit nga kontrobersiya agud nga maathagan ang tanan.
Ginpahayag ni Javellana nga santo sa pahayag ni Dampal, mahinay ang development sa kaso bangud nga wala sang may manindog nga tagreklamo kag witness.
Mas makapaayo suno sa natungdan nga masolbar gilayon ang kaso bangud nga nakataya ang pangalan sang Regional Drug Enforcement Unit kag ang seguridad sang mga pumuluyo sa syudad sang Iloilo.
