ILOILO CITY – Ginmandu-a na ni Iloilo City Mayor Jerry Treñas si Iloilo City Police Office Director Police Col. Eric Dampal nga solbaron ang asud-asud nga krimen sa syudad sang Iloilo sang damlag lang.
Ini ang may kaangtanan sa natabo nga abduction nga ginsundan sang buy bust operation kag ang shooting incident sa distrito sang Jaro kag Arevalo.
Sa interview sang Bombo Radyo kay Treñas, iya ginpahayag nga daku nga pagpanghangkat para sa Philippine National Police ang pagsolbar nasambit nga mga krimen.
Suno kay Treñas, indi na kun tani masulit pa nga may matabo nga abduction kag ginsundan sang buy bust operation kun sa diin ginapahayag nga may kaangtanan ang duha ka insidente.
Apisar nga naangot sa kontrobersiya ang Regional Drug Enforcement Unit, ginpahayag sang alkalde nga kinahanglan nga mahibalu-an sang tanan kun ano ang matuod nga natabo.
