ILOILO CITY – Isa ka senior citizen ang ginapahayag biktima na naman sang abduction sa Brgy. Progreso, Lapuz, Iloilo City.
Sa interview sang Bombo Radyo kay Punong Barangay Myde Sollano sang nasambit nga lugar, iya ginpahayag nga ang biktima amo si Ramon Salarda, 66 anyos, nga nagabisekleta sang natabo ang insidente kaina sang udto.
Suno kay Sollano, santo sa mga nakakita, 4 ka mga lalaki ang pilit nga nagpasakay kay Salarda sa duag grey nga Nissan Sentra nga may plate number nga FDH 210.
Lunsay mabukod ang panglawason sang mga lalaki nga wala nakasuksok sang mask ang nag-abduct sa senior citizen.
Ginpahayag ni Sollano nga wala sang may ginakaulamiran nga kaso si Salarda magluwas sa pagpahubog kag sa isyu sa illegal gambling apang ang iya anak nga si Edmond ang nalakip sa Barangay Anti-Drug Abuse Council report.
Samtang, wala naman sang ihibalo ang pamilya Salarda kun sa diin gindala ang biktima.
Suno kay Edna Salarda, tiayon sang biktima, yara lamang sa ila lugar nagabisekleta ang iya bana.
Kun tuhoy naman sa motibo sa pag-abduct sa biktima, ginpahayag sang natungdan nga wala sang naka-away ang iya bana.
