ILOILO CITY – May gindihon na nga mga ordinansa ang Barangay Rizal, Lapaz, Iloilo City may kaangtanan sa road clearing operation.
Sa interview sang Bombo Radyo kay Punong Barangay Chi-chi Narandan, iya ginpahayag nga may yara sang lima ka zona ang barangay sa diin lima man ka mga kagawad ang in-charge.
Suno kay Narandan, ginhatagan man niya sang obligasyon ang mga barangay tanod sa diin katungdanan sini nga imonitor ang dalan kun bala may mga naga sablag.
Dugang pa sang natungdan, nadesisyonan man nila sang mga opisyales nga magpangtapik sang mga signages lakip na ang mga hugot signs agud nga ma engganyo ang mga pamatan-on nga ini ang basahon kag sundon ang mga pagsulundan.
Ang Rizal, Lapaz ang isa sa mga barangay sa syudad nga wala pa ma assess sang Department of the Interior and Local Government kag Oplan Hawan Team.
