MIAG-AO, ILOILO – Kasubong nga ginpanubli gikan sa mga katigulangan ang pagtanum sang talong sa Brgy. Oyungan, Miagao, Iloilo.
Sa Good Morning Philippines program, ginpahayag ni Punong Barangay Romy Gaduyon, nga tradisyon na sa ila lugar ang pagtanum sang talong nga amo ang isa sa ila palangabuhi-an.
Suno kay Gaduyon, ginabanta nga masobra sa 30 hectares ang tanuman sang talong sa Brgy. Oyungan rason nga ila ginduso sa Local Government Unit sang Miag-ao nga saulugon ang Talong Festival nga patigayunon sa Marso 27 tubtub 28.
Ginpahayag ni Gaduyon nga magluwas sa 30 hectares nga tanuman, ang iban sa ila ang may yara man sang kaugalingon nga tanuman sang talong.
Sa tion sang first harvest, ang kilo sang talong ang nagabili sang P80 apang madamo ang nagapangompra kag ginabaligya sa mga merkado.
Sa pagtanum kag pagsagod sang talong, madamo sang mga dapat ikonsederar agud nga mangin maayo ang bunga sini.
