ILOILO CITY – Isa ang syudad sang Iloilo sa apat ka lugar sa Pilipinas nga ginpili sang Community Anti-Drug Coalitions of America nga maka-angkon sang citizen-based coalition agud nga matapna ang illegal drugs.
Sa Good Morning Philippines program, ginpahayag ni Shey Tanaleon, tagpamaba sang Philippine Drug Enforcement Agency 6, nga ang Community Anti-Drug Coalitions of America ang isa ka international membership organization nga may yara sang masobra sa 5,000 ka community anti-drug coalition nga nagabuligay sa pagtapna kag pagsolbar sang drug and alcohol-related problems.
Suno kay Tanaleon, makaduha na ka beses nga nagpatigayon sang pagsinapol ang Association of Anti-Drug Abuse Coalition of the Philippines, Inc. kag Community Anti-Drug Coalitions of America, kaupod ang Philippine Drug Enforcement Agency, Association of Anti-Drug Abuse Coalition of the Philippines, Inc., Iloilo City Police Office, City Health Office, Department of Interior and Local Government, Sangguniang Kabataan, religious kag youth sectors, Local Government Officials kag mga tiglawas sang community kag non-government sectors.
Ginpahayag ni Tanaleon nga bug-os ang pagsakdag sang Philippine Drug Enforcement Agency sa pagatukuron nga Iloilo City Anti-Drug Network.
