ILOILO – Ginatun-an pa sang Iloilo Provincial Government kun bala nagakadapat nga ipauntat ang mga aktibidad sa probinsya bilang pagpanghanda agud nga indi maglapta ang Coronavirus Disease 2019 (COVID-19).
Ini matapos nga ginkumpirma sang Department of Health nga naglab-ot sa 20 ang kumpirmado nga kaso sang COVID-10 sa pungsod.
Sa interview sang Bombo Radyo kay Gov. Arthur Defensor Jr., iya ginpahayag nga padayon ang monitoring sa barangay level ilabi na nga madamo ang nagapauli subong nga tion sang graduation.
Suno kay Defensor, ginalauman nga magadamu ang numero sang Persons Under Investigation bangud nga madamo ang mga nagapauli sa Pilipinas.
Ginpasalamatan man ni Defensor ang pagpanghatag sang health card sang Philippine Airlines agud nga mapadasig ang paghibalo sang travel history sang pasahero.
Kun tani suno sa natungdan, sundon man sang iban pa nga airline company ang nasambit nga lihok ilabi na sa international flights.
