ILOILO CITY – Ginahulat na lang sang Department of Health Region 6 ang resulta sang isa ka person under investigation sa probinsya sang Iloilo matapos nga nakitaan ini sang sintomas sang Coronavirus Disease 2019.
Sa interview sang Bombo Radyo kay Dr. Mary Jane Juanico, pinuno sang Infectious Disease Section sang Department of Health 6, iya ginpahayag nga may yara sang history of travel sa Hong Kong ang pasyente sa diin una nga nga gin confined sa ospital Marso 5.
Suno kay Juanico, kabug-osan nga 42 ang persons under investigation sa Western Visayas humalin sang Enero 1 sa diin 41 ang discharged na kag negatibo ang resulta sa COVID-19.
Ginahingyo ni Juanico ang mga tawo nga may yara sang hostory of travel sa iban nga pungsod nga mangin responsable sa diin kinahanglan nga magpaidalom ini sa home quarantine.
Kun nagalain naman ang pamatyag ukon naga ubo, gilayon nga magpakonsulta sang doktor.
Dugang pa sang natungdan, kun makitaan sang sintomas sang COVID-19 ang isa ka tawo, gilayon man ini nga gina-confine sa ospital para sa monitoring.
