ILOILO CITY – Indi pa matumod kun bala isa lang ka persona ang lalaki nga gina-alegar ginpilit naman pasakay sang duha ka mga lalaki sa salakyan sa Bolilao, Mandurriao, Iloilo kag ang natabo nga buy bust operation sa nasambit man nga lugar.
Sa interview sang Bombo Radyo kay PMaj. Marlon Valencia, hepe sang Mandurriao Police Station, iya ginpahayag nga lunsay buy bust operation lamang ang ila na rekord sa police station kag wala sang abduction.
Ang subject sa buy bust operation amo si Jeelen Jimenez, 36, sang Cochero, Jaro, Iloilo City.
Suno kay Valencia, una nga transaksyon ni Jimenez amo sa Barangay Airport, Mandurriao, apang wala ini madayon kag nagdesisyon pahayag niya ang subject nga sa Bolilao hiwaton ang transaksyon.
12:45 sang kaagahon kaina natabo ang buy bust operation.
Didto na pahayag ni Valencia nga nadakpan si Jimenez kag nakuha sa iya posisyon ang buy bust money nga P1,000 kag 6 ka sachet sang ginapatihan shabu.
Nagtindog naman sa witness sang operasyon amo ang barangay kagawad sang Barangay Airport, Mandurriao.
Suno naman sa anak ni alyas Bern, nakita niya nga may nagalakat nga lalaki sa Bolilao, Mandurriao sang gilayon nga ginlabayan ini sang duag grey nga awto kag nagpanaog ang duha ka mga lalaki.
10:00 sang gab-i pahayag niya natabo ang pagsipit sa lalaki kag ginpasakay sa salakyan.
Ang awto nga ginsakyan dang duha ka mga lalaki kaupod ang isa ka lalaki nga ila ginpasakay ang nagdiretso gilayon sa dalan padulong sa Ungka.
