ILOILO CITY – May yara lamang sang 3 ka adlaw ang MORE Electric and Power Corporation nga magsabat sa ginpasaka nga ex parte motion sang Panay Electric Company.
Ini ang may kaangtanan sa pag take-over sang MORE Power sa assets sang Panay Electric Company.
Sa interview sang Bombo Radyo kay Roel Castro, Presidente kag Chief Executive Officer sang MORE Power, iya ginpahayag nga kahapon lang niya nahibalu-an ang tuhoy sa ex parte hearing.
Sa pagkamatuod suno kay Castro, ang iya lamang nga mga abogado ang una nga nakahibalo tuhoy sa ginpasaka sang Panay Electric Company nga Motion to Return/Enter assets.
Samtang, ginpahayag naman ni Castro nga indi niya mabasol ang mga konsumidor nga nagasala-sala kun sa diin mabayad ukon madangop may kaangtanan sa ila electric bill.
Suno kay Castro, ang MORE Power ang may yara sang prangkisa rason nga sila ang opisyal nga electric power distributor sa syudad sang Iloilo.
Kun tani suno sa natungdan, sundon na lang sang Panay Electric Company ang Writ of Posession nga ginserbe sang sheriff sang damlag lang.
