Subject sang buy bust operation sa distrito sang Molo, gin-ako nga ginpick up siya sang mga lalaki sa distrito sang Mandurriao antes gin buy bust

ILOILO CITY- Gin-ako sang nangin subject sa buy bust operation nga siya ang gin-abduct sa Injap Tower sa Brgy. Bolilao Mandurriao Iloilo City.

Sa exclusive interview sang Bombo Radyo kay Adrian Robin, iya ginpahayag nga siya ang persona nga ang ginpick up sang duha ka mga kalalakihan, ginpasakay sa salakyan, gindala sa atubang sang Molo Mansion kag didto na gindeclare ang buy bust.

Suno kay Robin, pasado las 10:00 sang gab-i sang siya ang ginhapitan sang nasambit nga mga lalaki, samtang nagahulat siya sa iya abyan.

Pahayag pa sang natungdan, madul-ong lang siya kuntani sang items sang natabo ang insidente.