Ginarekomenda ni Iloilo 1st District Representative Janette Garin sa Department of Health ang paghimo sang ospital nga lunsay para lamang sa mga coronavirus disease patients.
Sa interview sang Bombo Radyo kay Rep. Janette Garin, iya ginpahayag nga mas maayo nga unahon ang pagpangita sang building nga mahimo mangin ospital para sa mga pasyente nga positibo sa COVID-19 ipaanggid sa pagpangita sang test kits.
Ginalantaw ni Garin nga ini nga ospital ang mangin solusyon agud nga indi na maglapta pa ang virus bangud wala na sang iban nga mga pasyente nga may lain nga balatian ang naka confine kundi lunsay alalangay lamang.
Nahibaluan nga gindeklara na nga pandemic sang World Health Organization ang coronavirus disease.
Ginakabig nga pandemic ang nasambit nga virus pahayag niya bangud nga naglapta na ini sa bilog nga kalibutan.
