ILOILO CITY – Gindayaw ni Iloilo City Councilor Alan Zaldivar ang mga mall sa syudad sang Iloilo sa pagpatuman sang preventive measures agud malikawan ang coronavirus disease 2019.
Sa interview sang Bombo Radyo kay Councilor Zaldivar, iya ginpahayag nga base sa paglibot niya sa mga mall sa syudad, iya nakit-an nga may yara sang mga thermal scanner kag alcohol sa entrance sang mga mall.
Nakighinun-anon man ang konsehal sa mga admin officer kag human resource officers kun ano pa ang ila suhestyon agud nga mapasanyog ang preventive measures.
Suno kay Zaldivar, commendable ang iban nga mall bangud may yara sila sang kaugalingon nga medical team.
Apang iya man na obserbahan nga may yara sang iban nga mall nga wala sang non contact thermometer gun.
