BUENAVISTA, GUIMARAS – Kanselado na ang mga aktibidad sa Buenavista, Guimaras agud nga malikawan ang coronavirus disease 2019.
Sa interview sang Bombo Radyo kay Buenavista Mayor Eugene Reyes, iya ginpahayag nga lakip sa mga ginkansela amo ang mga conference, graduation, fiesta kag manggahan sa kabanwahanan
Apang gin-athag ni Reyes nga ma konsidera ang ginatawag nga “gathering” sa tion nga masobra 20 na katawo abng nagatililipon.
Mahimo man sa gihapon nga maghanda kun fiesta sa sulod sang balay apang nagakadapat nga indi magsobra 20 ang tawo.
Indi pa mapat-od sang alkalde kun bala padayunon ukon kanselahon man ang Manggahan Festival sa probinsya sang Guimaras sa bulan sang Abril.
Samtang may yara naman sang thermal scanner sa pantalan sang Buenavista sa diin tanan nga mga pasahero ang nagakadapat nga tsekyaron agud mahibaluan ang body temperature.
