ILOILO CITY – Magasapol pa ang mga pari sa syudad kag probinsya sang Iloilo kun bala padayunon ukon indi ang misa bangud sa kahangawa sa Coronavirus Disease 2019 (COVID-19).
Sa interview sang Bombo Radyo kay Rev. Fr. Angelo Colada, Director sang Social Communications sang Archdiocese of Jaro, iya ginpahayag nga mahimo nga sa Lunes sang hapon, Marso 16, may yara na sang official statement ang Simbahang Katolika tuhoy sa pagpatigayon sang misa.
Suno kay Colada, madayon ang misa sa Jaro Cathedral, buwas, Dominggo, 6:30 sa aga kag dapat nga sundon ang social distancing.
Ginpahayag ni Colada nga kun sa sulod sang simbahan, mabudlay sundon ang social distancing ilabi na kun nagaginutok apang kun mahimo pa lang, sa radyo ukon sa online na lang magpamati sang misa agud mangin hilway sa virus.
