ILOILO CITY – Amat-amat na nga ginabuhi sang Southeast Asian Fisheries Development Center ang pagbalik sang Lukon Faming.
Sa Good Morning Philippines program, ginpahayag ni Victor Emmanuel Estilo, shrimp pond culture expert sang Southeast Asian Fisheries Development Center 6, nga isa sa prayoridad sang gobyerno amo ang Oplan Balik Sugpo Program agud nga liwat nga mangin No. 1 exporter sang Black Tiger Shrimp ukon Lukon ang Western Visayas.
Suno kay Estilo, nag-umpisa ang Lukon Farming matapos ang madinalag-on nga pagpanalawsaw tuhoy sa nasambit nga marine crustacean sang 1973, halin sa traditional tubtub sa modern culture.
Ginpahayag ni Estilo nga madamo ang dapat nga ikonsiderar sa pagsagod sang broodstock shrimp agud nga makapadamo sang similya tubtub nga sang 1990s, nag-igo ang white spot syndrome virus nga halin sa China.
Bangud sa nasambit nga virus, amat-amat nga napatay ang industriya sa Lukon Farming kag subong, ginhimo na sang gobyerno nga prayoridad ang pagsagod kag pagpadamo sang Lukon.
