ILOILO CITY-Nagreklamo ang isa ka residente sang barangay Oñate De Leon Iloilo City, bangud wala ini nakakuha sang quarantine pass sa nasambit nga barangay.
Sa interview sang Bombo Radyo kay Alyas May, iya ginpahayag nga sirado ang barangay hall sang siya ang ang nagkadto agud kuntani magkuha sang quarantine pass.
Suno kay May, natalana kuntani nga magpadulong siya sa iya pamilya sa Leganes, apang sang nakaabot na siya sa checkpoint, ginpangitaan siya sang quarantine pass kag iya ini kuhaon sa ila barangay.
Pahayag pa ni May, nagdesisyon siya nga magpadulong sa police station bangud sirado ang ila barangay hall, apang ginrefer siya sang mga pulis pabalik sa ila barangay.
Nahibaluan nga kinahanglan makakuha sang quarantine pass ang tagsa ka pamilya agud makasulod sa syudad sang Iloilo.
