ILOILO CITY – Gin-athag ni Punong Barangay Karl John Lapascua sang San Pedo, Molo, Iloilo City nga wala ginapabayaran ang pagkuha sang quarantine pass.
Ini ang kasunod sang reklamo nga ginapabayaran ang pagkuha sang quarantine pass nga libre nga ginapanghatag sa kada pamilya.
Sa interview sang Bombo Radyo kay Lapascua, iya ginpahayag nga wala ginasukot ang mga nagakuha sang quarantine pass.
Suno kay Lapascua, kun may ginahatag man, ini ang makabig nga donasyon kag ginabaton man nila nga mga barangay official.
Ginpahayag ni Lapascua nga wala ginapilit ang mga pumuluyo nga maghatag sang kwarta ukon goods bilang kabaylo sa quarantine pass nga kinahanglanon sa pagguwa sa balay sa tion nga may baklon nga pagkaon kag bulong.
