ILOILO CITY – Padayon ang pagpanghatag sang food assistance sang Barangay Council sang Cuartero, Jaro, Iloilo City may kaangtanan sa ginapatuman nga Enhanced Community Quarantine.
Sa interview sang Bombo Radyo kay Barangay Kagawad Francis Pueda, iya ginpahayag nga ginapanghatag gilayon ang mga food assistance sa tion nga may supply nga ginahatag ang Iloilo City Government.
Suno kay Pueda, house to house ang pagpanghatag sang food assistance apang ang mga wala nahatagan ang mahimo nga makapalista agud nga makakuha sang food assistance.
Ginpahayag man ni Pueda nga indi lamang ang mga tumandok sang barangay ang mahimo nga makabaton kundi lakip man ang mga boarder ukon ang mga nagadayon.
Para sa mga wala pa nakakuha, mahimo nga magpadulong sa barangay hall apang nagakadapat nga sundon ang physical distancing.
