“Initial finding ta may nag positive na nga isa diri sa syudad” -Iloilo City Mayor Jerry Treñas

ILOILO CITY – Nagpaguwa sang impormasyon si Iloilo City Mayor Jerry Treñas nga may yara sang initial findings nga may dugang nga isa ka nag positibo sa coronavirus disease 2019.

Sa interview sang Bombo Radyo kay Mayor Treñas, iya ginpahayag nga base sa iya initial findings, may yara sang 1 pa ka nagpositibo sa COVID-19 apang may yara sang protocol ang Department of Health subong nga kinahanglan i-double check sang Research Institute for Tropical Medicine ang resulta sang pasyente.

Suno kay Treñas, sa subong may yara na sang ginapatigayon nga contact tracing ang Iloilo City Health Office agud mahibaluan kun sin-o ang mga naka close contact sang nagpositibo.

Base sa impormasyon nga nabaton ni Mayor Treñas, may yara sang Person Under Investigation nga napatay sa ospital.

Nagmandu na sa subong ang alkalde sa Barangay kag City Health Office nga mag disinfect sa mga lugar nga may yara sang Persons Under Monitoring kag Persons Under Investigation.

Samtang yari naman ang numero sang mga Persons Under Monitoring kag Persons Under Investigation sa syudad sang Iloilo as of March 26 2:00PM base sa mapping nga ginhimo sang City Disaster Risk Reduction and Management Office.

Sa distrito sang Lapuz;
PUI – 2
PUM – 93

Sa distrito sang City Proper:
PUI – 8
PUM – 122

Sa distrito sang Molo;
PUI – 7
PUM – 166

Sa distrito sang Arevalo;
PUI – 7
PUM – 145

Sa distrito sang Mandurriao;
PUI – 6
PUM – 233

Sa distrito sang Lapaz;
PUI – 4
PUM – 132

Sa distrito sang Jaro;
PUI – 21
PUM – 531