ILOILO CITY – Mas naggamay ang mga nagapadulong kag nagaguwa sa syudad sang Iloilo subong nga adlaw sang Dominggo.
Ini ang santo sa assessment sang otoridad nga nagabantay sa checkpoint sa Brgy. Ungka, Jaro, Iloilo City.
Sa interview sang Bombo Radyo kay Police Captain Eduardo Siacon Jr., hepe sang Jaro Police Station, iya ginpahayag nga mas madamu ang naga-agi sa checkpoint sa tion sang weekdays bangud nga may yara sang trabaho.
Suno kay Siacon, kalabanan sa violations amo ang wala sang dala nga quarantine pass ukon indi gani, may yara sang sakay nga pasahero ang tricycle.
Ginpahayag ni Siacon nga ginapahanugutan ang tricycle apang ang driver lamang ang sakay sini kag kun may yara man sang sakay nga pasahero, kinahanglan nga isa lang sa ila ang mahimo nga makasulod ukon makaguwa sa syudad sang Iloilo.
