ILOLILO CITY – Handa ang Philippine National Police sa paghatag sang proteksyon sa mga medical personnel nga amo ang may daku nga katungdanan sa pag-atipan sang mga pasyente ilabi na subong nga may yara sang Coronavirus Disease 2019 (COVID-19).
Ini ang kasunod sang reklamo gikan sa mga medical personnel ilabi na sa iban nga bahin sang pungsod nga naka-eksperyensya sang harrassment kag diskriminasyon.
Sa interview sang Bombo Radyo kay Police Lt. Col. Joem Malong, tagpamaba sang Police Regional Office 6, iya ginpahayag nga kinahanglan nga pangapinan ang tanan nga frontliners.
Suno kay Malong, kinahanglan nga ang tagdumalahan mismo sang hospital ang maghatag sang service para sa seguridad sang mga medical personnel.
Kun wala naman sang may ihatag, mahimo nga magpakig-angot ang Hospital Managament sa Inter-Agency Task Force kun sa diin miyembro man ang Philippine National Police, para sa service sang medical frontliners.
