ILOILO CITY– Masugod bwas nga adlaw Abril 3, 2020 ang gintanyag sang Land Transportation Office nga libre sakay para sa mga medical frontliners sa syudad sang Iloilo.
Sa interview sang Bombo Radyo kay Atty. Gaudioso Geduspan, Acting Regional Director sang Land Transportation Office VI, iya ginpahayag nga ginahulat nalang nila ang special permit pata sa southwest buses agud makasugod na ang mga ini sang ila libre sakay para sa mga health workers.
Suno kay Geduspan, magasugod ang byahe sang amo nga mga buses las 6:00 sang aga kag sa tagsa ka plasa sa syudad, may yara sang nagahulat nga bus.
Pahayag pa niya, ang libre sakay ang bulig sang ahensya sa mga medical frontliners bangud sa ginapatuman nga enhanced community quarantine tuga sang coronavirus disease 2019.
Dugang pa sang natungdan, 45 seater ang bus kag sa gihapon, ipatuman ang physical distancing sa mga nagasakay nga health workers.
