ILOILO CITY – Nagapasalamat si anay Department of Health Secretary kag subong Iloilo 1st District Cong. Janette Garin sa ahensya bangud sa pagbuligay agud nga matapna ang Coronavirus Disease 2019 (COVID-19) sa pungsod.
Ini ang kausnod sang twinning agreement sa tunga sang Department of Health Western Visayas kag Central Visayas tuhoy sa Management Operations sang COVID-19 response sa rehiyon.
Sa interview sang Bombo Radyo kay Garin, iya ginpahayag nga nagapakita lamang nga nagahugpong ang mga opisyal sang Department of Health agud nga mauntat na ang pandemic.
Suno kay Garin, paagi sa twinning agreement, magabulig ang DOH Central Visayas sa DOH Western Visayas sa pagpatuman sang mga lihok batok sa COVID-19.
Ginpahayag ni Garin nga ang pagbuligay ang kinahanglan agud nga wala na sang diskriminasyon nga matabo ilabi na sa medical frontliners kag residente sang mga lugar nga may yara sang madamo nga COVID-19 cases.
