SHENZHEN, CHINA – Balik na sa normal ang Shenzhen, China matapos ang ginapangatubang nga krisis bangud sa Coronavirus Disease 2019.
Sa interview sang Bombo Radyo kay Bee Ching, iya ginpahayag nga ang Shenzhen ang ika-duha sa Wuhan, China nga may pinakamadamo nga kaso sang COVID-19 sadto apang sa subong estable na ang lugar.
Normal na ang dalagan sang mga negosyo, bukas na ang mga establisimento, mall kag mga restaurants apang ang mga eskwelahan ang nagapabilin nga sirado kag magabukas ini sa bulan sang Mayo.
Pahayag niya, apisar nga nagtahaw na ang virus sa Shenzhen, nagapabilin nga hugot ang seguridad sa tion nga magsulod sa establisimento bangud may yara sang nagatsekyar nga mga security personnel kag medical staff nga nagalantaw sang temperatura sang tawo.
Istrikto man ang China ilabi na kun online sites ang pagahambalan bangud gina-trace mismo sang gobyerno ang mga libre nga virtual private network kag gina-block ang IP address agud indi ma access sang tawo ang yahoo, google, facebook kag iban pa.
Apang may yara sang Virtual Private Network nga ginabaydan kada tuig suno kay Ching.
Nagapati ang natungdan nga na untat ang paglapta sang virus bangud sa pagpabilin sang mga tawo sa China sa sulod sang ila mga balay.
