LOS ANGELES COUNTY – Nagdangat na sa 5,900 ka kaso sang mga nagpositibo sa Coronavirus Diseasee 2019 sa Los Angeles County sa Estados Unidos.
Sa report ni Bombo International Correspondent Dr. John Tacapan direkta sa Los Angeles County, iya ginpahayag nga na rekord ang bag-o nga 15 ka mga nagkalamatay sa diin may yara na sang kabug-osan nga 132 ka mga fatalities kag dugang nga 663 ka mga kaso sang covid-19.
Suno kay Tacapan, kapin sa 7,000 ka mga tawo kada adlaw ang gina-test sa COVID-19.
Sa California, nagapanguna ang Los Angeles County sa may pinakamadamo nga kaso sang Coronavirus Disease 2019.
May yara man sang manugbaligya sang prutas sadto nga nagabaligya na sa subong sang mask sa lugar.
Dugang pa sang natungdan, sa tion nga maguwa kag magpadulong ang tawo sa mga grocery stores, mabatyagan ang kahangawa nga tuga sang COVID-19 bangud ang tagsa ka mga tawo ang nagapalayo-anay sa diin ang iban ang nagatakilid sa tion nga magsumalangay.
