ILOILO CITY– Nagapasalamat si Iloilo City Mayor Jerry Treñas sa pribado nga sektor bangud nakaabot na ang testing kits kag Personal Protective Equipment nga gin-amutan sang mga negosyante para sa medical frontliners.
Sa interview sang Bombo Radyo kay Treñas, iya ginpahayag nga nag-abot na ang 2,700 test kits nga ginbakal sa South Korea kag 800 ka complete set sang mga Personal Protective Equipment.
Suno kay Treñas, ang nasambit nga test kits ang ginagamit sa machine kag mahimo maka-transmit sang resulta sa sulod sang anom ka oras.
Ang Personal Protective Equipment naman suno sa alkalde ang ginahatag sa mga hospital sa syudad sang Iloilo.
