Deployment Ban sang mga health workers sa luwas sang pungsod, igareview sang Inter-Agency Task Force

MANILA- Liwat nga tan-awun kag tun-an sang Inter-Agency Task Force on Emerging Infectious Diseases ang ginpatuman nga ban sa deployment sang health workers sa luwas sang pungsod.

Ini matapos nga gintawag ni Department of Foreign Affairs Secretarty Teodoro Locsin nga unconstitutional ang nasambit nga lihok.

Suno kay Department of Justice Secretary Menardo Guevarra, posible nga mangin kabahin sang agenda sa meeting sang Task Force, buwas, Abril 13, ang tuhoy sa nasambit nga temporary ban.

Suno kay Guevarra, nagalaum siya nga gilayon masolbar sang Inter-Agency Task Force ang nasambit nga problema.

Nahibaluan nga pila ka Filipino Nurses ang wala nakadayon sa ila flight padulong sa United Kingdom agud makabalik sa ila trabaho