ILOILO CITY – Ginkumpirma ni Iloilo City Mayor Jerry Trenas nga ang panibag-o nga nagpositibo sa Coronavirus Disease 2019 sa syudad sang Iloilo amo ang Oversease Filipino Worker nga nag abot sang damlag lang halin sa Cebu.
Ini amo ang 44 anyos nga lalaki sang Lapaz, Iloilo City kag may yara sang travel history sa United Kingdom.
Sa interview sang Bombo Radyo kay Mayor Trenas, iya ginpahayag nga ang nasambit nga OFW amo ang nadala sa tatlo ka mga nagpositibo sa COVID-19 sa ginpatigayon nga rapid test sang tion nga nagdungka ang barko sa syudad.
Suno sa alkalde, sang natapos ang rapid test, ginpaidalom pa sa confirmatory test ang tanan nga sakay sang barko kag una nga naguwa ang resulta sang 44 anyos nga lalaki nga taga Lapaz.
Ginahulat pa sang alkalde ang iban nga mga resulta.
