ILOILO CITY – Ginadayaw ni Iloilo City Mayor Jerry Trenas ang pagpanikasog sang mga Ilonggo Artists sa paghimo sang kanta sa tunga sang Coronavirus Disease 2019 pandemic.
Sa interview sang Bombo Radyo kay Mayor Trenas, iya ginpahayag nga madugay na nga nagamuno sa iya si Roque Magsipoc ang conductor sang Kinaadman Choir nga mahimo sang kanta agud nga maipakita ang balatyagon sang tanan subong nga tion sang krisis.
Suno kay Trenas, makatandog balatyagon kag nagadala sang sentimento sang mga Ilonggo ang kanta nga “We Heal As One”.
Gin-islan lamang sang mga Ilonggo Artists ang pila ka mga lyrics sang kanta sa Hiligaynon.
Kaupod man sa pagkanta ang Ilonggo singer nga si Jed Madela nga amo ang labing una nga Filipino nga nagdaog sa World Championships of Performing Arts.
