ILOILO CITY – Ginalauman na sang Local Economic Enterprise Office nga magdugok ang mga manugbakal sa mga merkado sa tion sang weekdays.
Ini ang kasunod sang Executive Order ni Iloilo City Mayor Jerry Treñas nga nagamandu nga magpatuman sang Weekend block-off.
Sa interview sang Bombo Radyo kay Ariel Castañeda, pinuno sang Local Economic Enterprise Office, iya ginpahayag nga may yara na sang implementing guidelines agud masiguro nga indi magdinaguso ang mga manugbakal.
Suno kay Castañeda, ipatuman ang One Entrance, One Exit Policy, depende sa kadakuon sang merkado.
Magluwas diri suno kay Castañeda, istrikto man nga ipatuman ang physical distancing kag indi makasulod ang mga wala sang quarantine pass kag wala nagasuksok sang facemask.
