ILOILO CITY– Gindonar ni Iloilo City Mayor Jerry Treñas, ang isa sini ka bulan nga sweldo agud ibulig sa away sang syudad batok sa coronavirus 2019.
Sa interview sang Bombo Radyo kay Iloilo City Mayor Jerry Treñas, iya ginpahayag nga gin-isyuhan na niya sang tseke ang iya sweldo kag ginpasulod na sa Iloilo Festivals Foundation Incorporated ukon IFFI.
Suno kay Treñas, tanan nga mga donasyon ang ginapaagi sa IFFI.
Magluwas sa pagdonar niya sang iya sweldo suno kay Treñas, nag-order naman siya sang gatas para sa mga kabataan.
Pahayag pa niya, luyag niya makabulig sa mga kabataan sa syudad agud indi man maibanan ang ila nutrisyon sa subong nga ,may yara sang pandemic.
