ILOILO CITY-Magasugod bwas nga adlaw, Abril 16, ang pagpanagtag sang cash aid sa idalom sang Social Amelioration Program sa duha ka mga barangay sa syudad sang Iloilo.
Sa interview sang Bombo Radyo kay Iloilo City Mayor Jerry Treñas, iya ginpahayag nga nakita nila nga duha na ka barangay sa syudad sang handa para sa distribusyon sang nasambit nga assistance.
Suno kay Treñas, igahatag sa tagsa ka balay ang amo nga cash assistance bangud luyag niya nga magapadayun ang pag-obserbar sang physical distancing measure.
Dugang pa sang natungdan, nakig-angot na ang Iloilo City Government sa Department of Social Welfare and Development, Philippine National Police, kag Department of the Interior and Local Government Unit agud makatambong sa pagpanghatag sang assistance sa mga natungdan nga benipesyaryo.
