ILOILO CITY – Ginhatagan sang Iloilo City Government sang extension ang Panay Electric Company nga makasabat kag makapasa sang requirement kasunod sang ginpadala nga notice of revocation sang business permit.
Sa interview sang Bombo Radyo kay Iloilo City Mayor Jerry Treñas, iya ginpahayag nga bangud sa ginapatuman nga Enhanced Community Quarantine, mahimo pa nga makapasa sang requirement kag makasabat ang Panay Electric Company tubtub sa Abril 29.
Suno kay Treñas, mismo ang Panay Electric Company ang naghingyo sang extension kag ang City Legal Office na lang ang magadesisyon kun ano ang matabo.
Ginpahayag ni Treñas nga sa subong, wala na sang prangkisa kag Certificate of Public Convenience and Necessity ang Panay Electric Company kag wala na sang rason nga magpadayon sa operayson bilang electric power distributor.
