ILOILO CITY – Nalakip sa magabaton sang Social Amelioration Program ang appointed barangay officials.
Sa interview sang Bombo Radyo kay Department of Social Welfare and Development Assistant Secretary Rhea Peñaflor, iya ginpahayag nga nalakip sa benepisyaryo amo ang mga barangay tanod, barangay health worker kag day care worker.
Suno kay Peñaflor, nalakip man sa magabaton amo ang Senior Citizen, Persons With Diability, nagabusong, single parent, mangunguma kag ang nadulaan sang trabaho kag negosyo bangud sa Coronavirus Disease 2019 (COVID-19).
Ginpahayag ni Peñaflor nga lakip sa kwalipikasyon sa pagpili sang benepisyaryo amo ang mga wala sang palangabuhi-an, may manubo nga income, nagasalig lang sa honorarium kag ang mga wala sang may ginabaton nga pensyon.
Gin-athag man sang natungdan nga per family kag indi per household ang basehan sa pagpanghatag sang bulig sa idalom sang Social Amelioration Program.
