CEBU CITY – Record breaker ang numero sang Coronavirus Disease 2019 (COVID-19) sa Cebu City.
Ini matapos nga na record subong nga Abril 17, ang 84 ka COVID-19 case sa isa ka adlaw kun sa diin ang 82 diri ang naghalin sa Sitio Zapatera sa Barrio Luz samtang duha naman ang na record sa Barangay Labangon.
May kaangtanan diri, naglab-ot sa 135 ang nagpositibo sa Sitio Zapatera sa Barrio Luz kag nagsaka sa 161 ang kabug-usan nga COVID-19 case sa Cebu City.
Sa press conference, ginpahayag ni Cebu City Mayor Edgardo Labella nga ginpaidalom na sa total lockdown ang Barrio Luz epektibo Abril 17.
Suno kay Labella, magapadayon ang mass testing sa Sitio Zapatera lakip na sa iban pa nga sitio sa Barrio Luz.
May kaangtanan diri, may salakyan naman nga pagagamiton sa pagkarga sang food packs para sa mga residente sa nasambit nga lugar.
Nakahanda naman suno sa natungdan ang cash assistance nga igapanghatag sa tanan nga apektado sang COVID-19.
