ILOILO CITY – Ang Philippine National Police gid lamang ang otorisado nga magpatigayon sang checkpoint may kaangtanan sa ginapatuman nga Enhanced Community Quarantine.
Sa interview sang Bombo Radyo kay Department of the Interior and Local Government Undersecretary Jonathan Malaya, iya ginpahayag nga ang mga pulis lang ang mahimo nga magpatigayon kag magpamuno sa checkpoint santo sa guidelines sang Inter-Agency Task Force for COVID-19.
Suno kay Malaya, ginadumili-an ang pagpahamtang sang barangay checkpoint sa national road kag sa baylo, mahimo ini nga ipahamtang sa interior road.
Ang tanan nga checkpoint suno kay Malaya ang dapat nga yara sa supervision sang Philippine National Police.
