CROATIA- Palawigun sang Croatia sang 15 ka adlaw ang pagpatuman sang lockdown bangud sa Coronavirus Disease 2019 (COVID-19).
Suno kay Interior Minister Davor Bozinovic, ginatan-aw man sang gobyerno ang amat-amat nga pagkuha sang restrictions sa Croatia.
Ginapahanugutan lang nga makaguwa sa ila ka balay ang mga pumuluyo kun magabakal sang ila kinahanglanon.
Nahibaluan nga isa na ka bulan ang nakaligad sang ginpasarado ang shops, bars, restaurant, eskwelahan, pampubliko nga transportasyon kag ang bukas lang amo ang mga establisimento nga nagabaligya sang pagkaon, botika kag petrol stations.
