SAN REMEGIO, ANTIQUE– Mabaskog nga ginpanginwala sang alkalde San Remegio, Antique ang nagalapta nga balita sa social media nga may yara sang patay nga nalakip sa listahan sang mga benipesyaryo nga magabatun sang cash assistance sa idalom sang Social Amelioration Program.
Sa interview sang Bombo Radyo kay Mayor Marcanja Mission Jr., iya ginpahayag nga sang nakaligad lang nga adlaw gin post sa social media ni Lily Victoriano nga may yara sang patay nga nadala sa listahan sang mga benipesyaryo sa Barangay Bugo apang suno sa iya, kahapon lang nga adlaw nagpasa sang listahan ang amo nga barangay.
Suno kay Mission, magapasaka siya sang kaso batok sa tag-iya sang Facebook account lakip na ang mga nagpalapta sini.
Nahibaluan nga si Lily Victoriano nga amo ang nag post sa social media ang ang isa ka Overseas Filipino Worker.
Sa pihak nga bahin, ginpahayag sang alkalde nga under control ang sitwasyon sa iya banwa sa diin wala na sang Persons Under Monitoring kag Persons Under Investigation.
