ILOILO CITY – Magabukas ang mga merkado publiko sa syudad sang Iloilo kadungan sang weekend block-off.
Ini ang gin-athag ni Ariel Castañeda, pinuno sang Local Economic and Enterprise Office, may kaangtanan sa ika duha nga semana nga pagpatuman sang weekend block off sa syudad sang Iloilo.
Sa interview sang Bombo Radyo kay Castañeda, iya ginpahayag nga magabukas sa limitado nga tion ang mga merkado agud nga indi maapektuhan ang supply sang pagkaon.
Suno kay Castañeda, pagahatagan sang ligwa ang pagpaninlo kag ang disinfection sa tion sang weekend rason nga may gintalana nga oras para sa pagpamalaklon.
