MAASIN, ILOILO– Gin-athag ni Maasin, Iloilo Mayor Francis Amboy nga yara pa sa Cebu kag wala nakapauli sa ila banwa ang kasimanwa nga nagpositibo sa Coronavirus Disease 2019 (COVID-19).
Sa interview sang Bombo Radyo kay Amboy, iya ginpahayag nga nagapabilin sa Cebu ang pasyente matapos gin-hold sang Department of Health.
Suno kay Amboy, naka schedule na magpauli ang nasambit nga seafarer apang sa wala ginlauman, nagpositibo ini sa virus kag nagapaidalom na sa quarantine.
Nagapanawagan naman ang natungdan sa mga pumuluyo sa banwa sang Maasin nga indi mag panic bangud padayon man ang monitoring
