LEBANON- Nagapabilin nga manubo ang numero sang mga napatay bangud sa Coronavirus Disease 2019 (COVID-19) sa Lebanon.
Suno kay Bombo International Correspondent Rosa Esportono, iya ginpahayag nga may yara sang 707 ka kumpirmado nga kaso sang COVID-19 kun sa diin 145 ang naka recover kag 24 ang patay.
Suno kay Esportono, ginapatuman ang community quarantine sa Lebanon kag ang madakpan nga nagalapas ang may multa nga $600 ukon masobra sa P30,000.
Ginpahayag ni Esportono nga bangud sa quarantine, kanselado ang trabaho kag klase apang nagapabilin nga bukas ang grocery stores kag mga essential business.
Magluwas sa problema sa virus suno kay Esportono, may nagapatigayun man sang rally bangud sa tuman ka mahal nga presyo sang mga balaklon kag madamo ang nadulaan sang trabaho.
Problema man suno sa natungdan ang kakulang sa US Dollar bangud nga ang mga bangko ang indi na magpaguwa sang nasambit nga currency.
