METRO MANILA – Nakasakay na sa barko papauli sa Bacolod City kag Iloilo City ang masobra sa 200 ka Overseas Filipino Workers nga na stranded sa Metro Manila.
Santo sa impormasyon, kahapon sang kasisidmon ang departure sang barko kag natalana nga maga-abot sa Bacolod City kag Iloilo City buwas, Abril 29.
Sa interview sang Bombo Radyo kay Archill Falcis, isa sa mga OFW, iya ginpahayag nga isa siya sa mga nagnegatibo sa COVID-19 testing.
Suno kay Falcis, gintingob ang mga taga Iloilo kag Bacolod sa isa lang ka batch nga magapauli.
Lakip sa mga requirment amo ang quarantine clearance paagi sa pagpaidalom sa 14-day quarantine kag pagkatapos sini, mahimo na nga magpaidalom sa COVID-19 test.
Santo sa iya impormasyon, may yara man sang taga Capiz nga naka-upod sa ila nga batch.
