ILOILO CITY – Nadugangan sang isa ang kumpirmado nga kaso sang Coronavirus Disease 2019 (COVID-19) sa Western Visayas.
Santo sa ginpaguwa nga case bulletin sang Department of Health 6, naglab-ot na sa 63 ang COVID-19 cases, 24 ang naka recover kag siyam ang patay.
Sa 132 ka laboratory result nga ginpaguwa sang Western Visayas Medical Center as of April 27, 130 ang nagnegatibo samtang duha ang positibo.
Sa duha ka positibo, isa ang panibag-o nga kaso kag isa naman ang nagpositibo sa repeat testing.
Ang Patient no. 63 amo ang 28 anyos nga babayi sang Jaro, Iloilo City kag naka facility quarantine.
Kun pahat-pahaton, anum ang na record sa Aklan, 11 sa Antique, lima sa Capiz, 20 sa Iloilo, apat sa Negros Occidental, siyam sa Bacolod City, walo sa Iloilo City kag COVID-19 free sa gihapon ang Guimaras.
