ILOILO-Paga-istoryahan pa sang Regional Inter-Agency Task Force kun ano ang mangin desisyon sa kun bala papaulion ukon indi ang mga masunod nga batch sang mga Overseas Filipino Workers nga stranded sa iban nga bahin sang pungsod.
Sa interview sang Bombo Radyo kay Atty. Roy Villa, spokesperson sang Regional Inter-Agency Task Force, iya ginpahayag nga wala pa sang pinal nga desisyon tuhoy sa nasambit nga plano.
Suno kay Atty. Villa, ang nakalab-ot pa lang sa ila nga impormasyon amo nga may yara sang nagpositibo nga mga Overseas Filipino Workers nga nagpauli sa syudad sang Iloilo.
Ginpahayag ni Atty. Villa nga ang amo nga resulta ang ipaidalom pa sa confirmatory test.
