ILOILO CITY – Ginabanta nga naglab-ot sa P1.5 million ang halit sang sunog nga nagluntad sa Buntatala National High School sa Jaro, Iloilo City kun sa diin tatlo ka hulot ang naupos.
Sa interview sang Bombo Radyo kay Senior Fire Officer 2 Carlos Zerrudo Jr., Supervisor sang Tagbak Fire Station, iya ginpahayag nga electrical short circuit ang ginhalinan sang sunog.
Suno kay Zerrudo, madasig nga naglaton ang kalayo bangud nga magkaiping lang ang Library, MAPEH kag Guidance room.
Ginpahayag ni Zerrudo nga nag-umpisa sa Libary ang sunog kun sa diin may mga computer set pa nga yara sa sulod sang tatlo ka hulot.
