AUSTRALIA – Nagakinahanglan sang madamo nga testing kits kag Personal Protective Equipment ang Australia bangud sa nagasaka nga numero sang kumpirmado nga kaso sang Coronavirus Disease 2019 (COVID-19).
Suno kay Bombo International Correspondent Jalett Arquilola, naglab-ot na sa 6,783 ang kabug-usan nga COVID-19 cases, 5,789 ang naka recover kag 93 na ang patay.
Ginpahayag ni Aquilola nga umpisa sang ginpatuman ang lockdown sa bug-os nga Australia, ginpauntat naman ang eskuwela rason nga napilitan sila nga mga manunudlo nga ubuson ang ila leave credits.
Bangud sini, no work no pay ang kalabanan sa mga empleyado apang kun malakip sa listahan sang illegible employees nga makabaton sang ayuda, ang Australian Govenrment na mismo ang magabayad sa unpaid leave.
May kaangtanan sa ginapanghatag nga ayuda, naglab-ot sa A$750 ukon masobra sa P24,000 ang ginhatag sang Asutralian Government sa mga kwalipikado nga benepisyaryo.
Sa subong suno sa natungdan, limitado sa gihapon ang hulag sa bug-os nga sovereign country bangud sa ginapatuman nga lockdown kun sa diin nakadepende naman sa violations ang ginahatag nga silot.
