ILOILO CITY – Naglab-ot sa 1,072 nga benepisyaryo ang nakabaton sang P6,000 nga cash assistance sa idalom sang Social Amelioration Program gikan sa apat ka mga barangay sa syudad sang Iloilo.
Sa interview sang Bombo Radyo kay Jocelyn Salarda, Day Care Worker, iya ginpahayag nga ang apat ka mga barangay nga nakabaton sang cash assistance amo ang Laguda sa La Paz, Rizal Pala Paza 2, San Felix kag Rizal Estanzuela sa City Proper.
Suno kay Salarda, naglab-ot sa 47 ang nakabaton sa Laguda, 197 sa San Felix, 403 sa Rizal Pala Pala 2 kag 425 naman sa Rizal Estanzuela.
Ginpahayag ni Salarda nga may iban naman nga benepisyaryo nga wala nakatambong sa paghatagay sang cash assistance subong nga adlaw, Mayo 4, sa Iloilo Freedom Grandstand.
