ILOILO – Ginpanginwala ni Iloilo Gov. Arthur Defensor Jr. nga hungod niya nga wala ginasapak ang tawag ni Iloilo 1st District Rep. Janette Garin may kaangtanan sa repatriation sang Overseas Filipino Workers.
Sa interview sang Bombo Radyo kay Defensor, iya ginpahayag nga wala siya sang may naka-away nga mamalidha ukon alkalde sa probinsya sang Iloilo apisar nga indi sila magkaalyado.
Suno kay Defensor, wala siya sang rason nga indi pagsapakon ang tawag ukon text message ni Garin kag sa pagkamatuod, indi tanan ang iya nga matatapan.
Ginpahayag ni Defensor nga nag-ilis siya sang cellphone unit rason nga ang iban sa contacts ang wala na naka register sa iya simcard.
Kadungan sini, ginpahayag sang gobernador nga wala niya ginadala ang pamulitika ilabi na sa tion sang kalamidad.
