ADEN– Ginkumpirma sang Houthis sa Yemen, ang una nila nga kaso sang coronavirus disease 2019, matapos nadiskubrehan ang kamatayon sang isa ka Somali national, sa Sanaa hotel.
Suno kay Houthi Health Minister Taha Al- Mutawakkil, nakabatun sila sang report tuhoy sa sitwasyon sa hotel (Sanaa), kag gilayun man nga ginpadala ang epidemiological investigation team, agud magpatigayun sang imbestigasyon sa kamatayon sang Somali national.
Pahayag pa ni Mutawakkil, ang napatay nga Somali ang may yara na nga daan sang problema sa liver kag kidney.
Nahibaluan nga ang Yemen ang pinakaulihi nga pungsod nga nagdeklara sang Covid-19 infections sadtong Abril 10, lakip na ang tatlo ka mga nagkalamatay sa teritoryo nga sakop sang internationally recognized government, kag ‘one case, one death’ naman sa lugar nga sakop sang Iran-aligned Houthis.
